Tʋ "bo 'sraa ‑sai
110
Dafi 'a 'dʋ.
Dɛ Tʋ "bo 'tmʋa.
Ɛ wlu' 'de 'ma Tʋ''bo ‑pee:
‑ɩn ‑tei 'de 'ma diianfɔ o mamaʋ 'sʋ,
'ɩn 'je ‑ma tʋnyʋ ‑ma "kpei naadɛ 'ʋn nʋ.
2 'De Selisalɛmʋ 'bo Tʋ "bo nɩ‑,
‑wɛe ɛɛ mu ‑ma 'beɔdɛ 'ɛ "ikmasʋn tooa',
‑wɛe ‑ɩn ‑je wɔnkma, 'de ‑ma tʋnyʋ "klu.
3 ‑Ma tʋ ‑fɔn ‑wɩ o ɛ,
‑ma 'cɛ kuuɛ 'dii,
‑wɛe ʋʋa ple ʋʋa ji ‑ʋn ‑pee,
ʋʋ ‑tuɛ" ʋʋa' 'ʋnpaadɩ ‑ɩ ‑kwea i ‑pʋn'',
‑wɛe 'de ‑ma ‑kwɩɩ" mɩɩ" ‑a ‑fɔan' tʋ,
ʋʋa muɛ "kpei crɛɛa' ʋʋ 'je ‑ʋn ‑pee ji,
ka ‑cnu' a dba.
4 Tʋ "bo cɛn wlu ‑tie",
ɛ se wlu ‑kwlin ‑saa i:
‑ma muɛ 'sraa ‑sai nɩa' 'bode ‑bode 'bode,
ka Mɛsisedɛkɩ 'a "ji ‑tbaai" 'nɩa.
5 Tʋ''bo, ‑ɩn ‑nɩɛ 'de ‑ma 'dianfɔ o,
'wɩ ‑ɛ 'di ‑ma mua 'cɛn 'kpaa a,
‑ma muɛ 'blʋajeʋn ‑wee'‑ i waa'.
6 Ɛɛ 'jeɛ blʋɩ‑ 'a 'pee;
"ku 'pɛɛn i ‑ta ‑wee'‑,
ɛɛ waa Tʋ "bo ‑tuu" i 'de 'blʋa 'di.
7 'Bo ‑jei" ɛ ‑bo ɔ 'na "ni,
'sʋ ɔ kpa "jru ''jɛi.